விண்டோஸ் 10 ஆப்பரேட்டிங் சிஸ்டம் மக்களிடையே பரவலாகப் புகழ் பெறுகிறதோ இல்லையோ, வைரஸ் உருவாக்கும் ஹேக்கர்கள் இதில் ஆர்வம் காட்டி வருகின்றனர். இதில் இணைந்து தரப்படும் எட்ஜ் பிரவுசரை, மால்வேர் செயலிகளைத் தயாரித்து அனுப்பும் குழு ஒன்று தாக்கியுள்ளது. Dyreza அல்லது Dyre என்ற பெயர் கொண்ட ட்ரோஜன் வைரஸ் ஒன்று, விண்டோஸ் 10 சிஸ்டத்தில் இயங்கும் கம்ப்யூட்டர்களை இலக்காகக் கொண்டு அனுப்பப்பட்டு பரவி வருகிறது. Heimdal Security என்னும் நிறுவனம் தெரிவித்தபடி, இந்த வைரஸின் கூடுதல் வடிவம் ஒன்றும் வேகமாக, விண்டோஸ் 10 இயங்கும் கம்ப்யூட்டர்களைப் பற்றி வருகிறதாம்.
இந்த மால்வேர் புரோகிராம், தகவல்களைத் திருடி அனுப்புகிறது. பாதுகாப்பு தரும் சாப்ட்வேர் புரோகிராம்களை இலக்காக்கி திறன் இழக்கச் செய்கிறது. இதன் மூலம், கம்ப்யூட்டர் சிஸ்டங்களில் வேகமாக இதனால் நுழைய முடிகிறது. Heimdal Security நிறுவனத்தின் அறிக்கையின்படி, இதுவரை, 80 ஆயிரம் விண்டோஸ் 10 கம்ப்யூட்டர்களில் இந்த மால்வேர் வைரஸ் பரவி உள்ளது. Upatre என்ற டவுண்லோடிங் புரோகிராம் மூலம், இது கம்ப்யூட்டருக்குள் பரவியதும் கண்டறியப்பட்டுள்ளது.
பன்னாட்டளவில், விண்டோஸ் 10 பயன்படுத்துபவர்கள், 8% மட்டுமே என்பதால், இந்த மால்வேர் புரோகிராமினால் பாதிக்கப்பட்டவர்கள் குறித்து, அதிர்ச்சியூட்டும் தகவல்கள் இதுவரை பரவவில்லை. ஆனால், விண்டோஸ் 10 சிஸ்டத்திற்கு அப்கிரேட் செய்து கொள்ளலாம் என்று திட்டமிட்டவர்களை, இது சற்று தாமதப்படுத்த வைக்கும் என்று பலரும் கருதுகின்றனர்.
Like the Post? Share with your Frinds
மேலும் நல்ல தகவல்களை எங்கள் face book பேஜ் கண்டுகொள்ளலாம்
இதோ லிங்க்
No comments:
Post a Comment